Шведската климатска активистка Грета Тунберг вчера ја прими првата доза на вакцина против коронавирус.
„Благодарна сум и привилегирана што живеам во дел од светот каде што можам да се вакцинирам“, напиша 18-годишната девојка на Twitter со фотографија од лепенката на местото на убодот на левата рака.
Тунберг исто така ја критикуваше дистрибуцијата на вакцини низ целиот свет, велејќи дека таа е „крајно нееднаква“.
Младата активистка напиша дека досега 84 проценти од дозите биле администрирани во земји со висок и висок среден приход, а 0,3 проценти биле користени во земји со ниски примања.
„Никој не е безбеден сѐ додека сите не бидат безбедни“, додаде Тунберг, повикувајќи ги луѓето да не се сомневаат во безбедноста на вакцината.
„Вакцинацијата спасува животи“, рече Грета Тунберг.
Во Шведска досега 77 проценти од возрасната популација примиле барем една доза од вакцината, а скоро половина од возрасните се целосно вакцинирани.
