Фудбалерот на Олимпик Марсеј, Мејсон Гринвуд, во иднина ќе настапува за репрезентацијата на Јамајка.
Според англиските медиуми, поранешниот фудбалер на Манчестер Јунајтед има право на јамајканско државјанство бидејќи неговиот татко е Јамајканец, роден во оваа карипска земја.
Ова ќе биде големо засилување за тимот на Стив МекЛарен, кој седна на клупата на популарните „Реге Бојз“.
23-годишниот Гринвуд сезонава одигра 20 натпревари за Марсеј, постигна 13 гола и запиша 4 асистенции.
Фудбалерот роден во Англија ќе има право да ѝ се приклучи на репрезентацијата на Јамајка, иако во кариерата ги мина сите младински селекции на Англија, а има и еден настап за сениоорскиот тим во 2020 година во Лигата на нации.
Јамајка атакува на пласман на Мундијалот 2026, што ќе биде прво такво достигнување по дебито во Франција 1998. За таа цел последниве години успеа да придобие неколку играчи со јамајканско потекло од дијаспората, најмногу од Англија.
