Грип нема оваа година затоа што короната му лачи интерферон, кој спречува навлегување на други вируси во телото, објаснува д-р Миланко Шеклер, вирусолог од Институтот за ветеринарство во Кралево, Србија.
„Грипот е практично вирус кој е сосема различен од овој, но неговата влезна врата за инфекција е иста како и за короната - респираторна инфекција. Затоа, сите заштитни мерки што постојат за COVID-19 исто така важат за грип. Иако се тоа два сосема различни вируси, мора да знаеме дека кај инфицираните со коронавирус се лачи еден интерферон, еден вид неспецифична заштита од вирусни инфекции“, изјави д-р Шеклер за Krug.
Со други зборови, како што наведе вирусологот, кога некој е заразен со корона, тој лачи интерферон, кој спречува каква било друга вирусна инфекција.
Грубо кажано, кога некој ќе се зарази со коронавирус, селачи интерферон кој вели: ‘Го зедов овој, не го давам на никого, го трошам и правам што сакам!’ и грипот не може да влезе во човек кој има корона. Едноставно, тоа трае со месеци: нивото на интерферон е такво што спречува инфекција со друга вирусна болест. Сите РНК вируси, како што е короната, имаат таков механизам“, објаснува Шеклер.
Тој додаде дека постои програма за следење на грипот, дека тој добива неделен извештај за грипот за Србија, но грип речиси и да нема, иако се прават анализи.
„Не е ништо невообичаено: ниту грипот се претвора во корона, ниту короната во грип. Кучето не може да стане мачка, без разлика како ќе го потстрижете“, нагласи Шеклер.