Еден од класичните рецепти за гулаш со говедско месо и печурки носи уживање во мекото месо кое само се одвојува и одлично се комбинира со варен ориз.
Гулашот со говедско и печурки има одчичен вкус. Место со варен ориз можете да го комбинирате и со нешто друго по ваша желба, како некои тестенини, пире или печен компир. Доколку, пак, не сте љубители на печурки можете да ги замените со некој зеленчук.
Потребни состојки:
- 500 гр говедски врат
- 380 мл говедски булјон
- 1 среден жолт кромид
- 1 чешне лук
- 1 лажица црвена пипер
- сол
- бибер
- 2 лажици путер
- 170 мл доматен сос
- 1 лажичка шеќер
- 340 гр шампињони
- топла вода
- гранче свеж магдонос (за украсување)
Подготовка:
Месото исечкајте го на коцки и во длабока тава или тенџере измешајте го со булјонот. Гответе на средна топлина 15-20 минути. Во тавата додадете кромид исечна на коцки, ситно сецкан лук, мелена црвена пипер, сол и бибер. Добро измешајте и продолжете со готвењето 20 минути. Одвреме-навреме додавајте малку топла вода за да го одржите нивото на течноста рамномерно. Покрај булјонот, во текот на процесот на готвење ќе додавате уште малку течност, за да го надоместите испареното и да ја постигнете саканата густина.
Во тавата додадете ги путерот, доматниот сос и шеќерот и убаво измешајте. Намалете ја топлината на ниска и варете уште 20 минути, често мешајќи. (Месото до сега треба да биде меко.) На крај додадете ги печурките исечкани на коцки. Добро измешајте со состојките и динстајте уште 10-15 минути или додека печурките не омекнат. Украсете со магдонос и послужете над варен ориз или со интегрален леб.
