УЕФА ЕУРО 2020

Ѓунеш: Турција може да ја победи Италија

Турскиот селектор очекува тешка битка на отворањето вечерва против Италија, но верува дека неговата репрезентација може и да дојде до победата.

Европското првенство се отвора денес со еден натпревар на програмата и тоа дуелот помеѓу Турција и Италија на „Олимпико“ во Рим со почеток во 21 часот.

„Роберто Манчини добро го познава турскиот фудбал бидејќи беше тренер на Галатасарај, а на располагање има многу талентирани играчи“, рече Шенол Ѓунеш на официјалната прес-конференција.

Италијанскиот селектор го водеше турскиот гигант во сезоната 2013/14 кога и нашиот Пандев беше дел од тимот. Манчини остана само една сезона во Турција, но доволно за да научи за тамошниот фудбал.

„Ние не сме фаворити да бидеме први во групата, но би сакал да стигнеме до финалето и да играме против оваа Италија. Нашето патешествие во меѓународниот фудбал всушност почна со полуфиналето на Мундијалот 2002, сите сакаат сега и да победиме. Сигурен сум дека, ако ништо друго, ќе продолжиме да учиме и со учеството на ова првенство“.

Токму Ѓунеш ја предводеше таа неверојатна турска генерација која на светскиот собир успеа да стигне до бронзениот медал. Турција тогаш во полуфиналето загуби од Бразил, кој потоа стана шампион, а во борбата за третото место го победи кодомаќинот Јужна Кореја.

„Знаеме кои ѝ се силните страни на Италија, но ги знаеме и нијзините слабости. И тоа како сме свесни за престижот и традицијата на Италија, која се има квалификувано речиси на сите натпреварувања. Како и да е, ќе биде тешка битка во техничка, тактичка и физичка смисла. Сакам моите играчи да покажат квалитет“, додаде.

Во своите редови Ѓунеш располага и со четворица играчи кои играат во Калчото и тоа Мерих Демирал од Јуве, Хакан Чалханолу од Милан и дуото од Сасуоло, Каан Ајхан и Мерт Мулдур.

„Добро е што имаме играчи кои настапуваат во Серија А, бидејќи тие знаат како функционираат Италијанците и пристапот кој нивните тимови го имаат. Ова е натпревар помеѓу два силни тима и верувам дека Турција може да победи“, оптимист е турскиот селектор.

„Не смееме да загубиме концентрација, во спротивно ќе имаме сериозни проблеми. Првиот и последниот натпревар од групата се фундаментални и можат да го сменат балансот на целата ситуација“, заврши тој.

Натпреварот вечерва ќе го суди холандскиот судија Дани Макели.

реклама

Шоферски дилеми: Дали смеете да прескокнувате брзини?

Read more

За два дена, на Гренланд се стопи доволно мраз за да ја потопи Флорида

Read more

Зошто Германците ќе ги климатизираат патиштата?

Read more

За ова гледаме Олимпијада: Со договор, две злата за скок во височина

Read more

Фудбал

Загинаа млад фудбалер на Ајакс и брат му

Read more

Шкендија ја прекина соработката со тренерот Ѓока

Read more

Седлоски по елиминацијата од Санта Клара: Задоволен сум од реваншот

Read more

Кристијан Ериксен се враќа во Интер на прегледи

Read more
 

Спорт

  • play_arrow

Италијанецот Џејкобс победник на 100 метри со нов европски рекорд

Читај повеќе
  • filter

За ова гледаме Олимпијада: Со договор, две злата за скок во височина

Читај повеќе

Прв светски рекорд во атлетика на годинашната Олимпијада

Читај повеќе

Зверев се закити со олимписко злато

Читај повеќе

Ѓоковиќ пред ЛОИ: Кога станува збор за Србија, јас тука пресекувам и не се свртувам назад

Читај повеќе

Илејн Томпсон-Хера собори олимписки рекорд стар 33 години

Читај повеќе

Австралиец падна од жештина двапати за време на трката, но сепак ја заврши

Читај повеќе

Загинаа млад фудбалер на Ајакс и брат му

Читај повеќе

Ѓоковиќ не научи да губи - гневно го фрли рекетот на трибини

Читај повеќе