Компаниите Shelby American и Hertz ги претставија тјунираните копии на Ford Mustang, од кои некои имаат повеќе од 900 КС и ќе се користат за изнајмување.
Првите автомобили ќе пристигнат на одредени локации на Hertz ова лето, а цените за изнајмување сѐ уште не се познати. Оваа објава се однесува на тригодишната соработка на споменатите компании.
Mustang Shelby GT500-H fastback е придвижуван од тјуниран Predator 5,2-литарски турбо V8 мотор од GT500, кој развива повеќе од 900 КС. Тоа ќе биде и најмоќниот автомобил во понудата на Hertz.
GT500-H доби карбонска хауба со истакнати отвори и е полесен за 13,61 kg од фабричката верзија.
Златните линии низ каросеријата и по праговите им оддаваат почит на првите автомобили Hertz Shelby Mustang. Не треба да ги заборавиме алуминиумските бандажи со гуми со високи перформанси.
Внатре, поточно на контролната табла, има табличка со производниот број на моделот GT500-H, а кабината е украсена со логото на Hertz и Shelby American.
Shelby ќе произведе 25 модели GT500-H, а 19 ќе бидат обоени во Shadow Black црна боја, додека 6 ќе носат Oxford бела боја. Автомобилите ќе бидат достапни за изнајмување во Феникс, Лас Вегас, Форт Маерс, Мајами, Орландо и Тампа.
Послаба алтернатива ќе биде Mustang Shelby GT GT-H достапен како кабриолет и fastback, а ќе биде придвижуван од 5,0-литарски Coyote V8 мотор кој испорачува 450 КС, како и актуелниот Mustang GT. Сепак, моделите GT-H користат различна хауба во споредба со стандардниот Mustang GT со тоа што имаат отвори, различна предна решетка со крила од двете страни, како и редизајнирани задни светла. Исто така, овој модел доаѓа со издувен систем Borla и 20-инчни тркала со Michelin гуми.
GT-H ќе биде достапен во Rapid металик црвена и Oxford бела боја, Carbonized сива и Shadow црна, и сите ќе имаат две златни линии низ каросеријата. Изнајмувањето ќе биде достапно во Атланта, Далас, Лас Вегас, Лос Анџелес, Сан Диего, Сан Франциско, Мајами, Орландо и Тампа.