Филмот „The Hitman’s Wife’s Bodyguard“ се најде на врвот на бокс-офисот во САД, со заработка од 11.6 милиони долари во текот на премиерното прикажување минатиот викенд.
Продолжението на акционата комедија „The Hitman’s Bodyguard“ од 2017 година премиерно беше прикажан во текот на викендот и досега заработи 17 милиони долари. Сепак, филмот е со буџет од 70 милиони долари па ќе треба повеќе време за да оствари профит, пишува Variety.
Во главните улоги се појавуваат Салма Хајек, Рајан Рејнолдс, Антонио Бандерас, Морган Фримен и Самјуел Л. Џексон. Филмот немаше голема конкуренција и лесно се искачи на врвот на бокс-офисот, оставајќи го хоророт „A Quiet Place Part II “на второ место, со заработка од 9.4 милиони долари.
И по четири недели од премиерното прикажување, овој филм заработи 221.9 милиони долари на светско ниво досега и е филм со најголема заработка во текот на пандемијата.
На трето место е „Peter Rabbit 2: The Runaway“ со заработка од 6.1 милион долари, односно 70.5 милиони долари на светски ниво.
По него е „The Conjuring: The Devil Made Me Do It“ со 5.2 милиони долари, додека „Cruella“ се најде на петтото место со 5.1 милион долари.