Сè уште како концептен модел, Prelude ќе го има своето јавно деби на Фестивалот на брзината во Гудвуд, кој започнува на 11 јули.
Со концептот што Honda го претстави минатата есен на Саемот за автомобили во Токио, дојдоа првите најави дека Coupé-то, кое се крие зад долгогодишното име Prelude, може да претставува продолжение на приказната што Honda ја започна во 1978 година, а заврши во 2001 година кога запре производството на петтата генерација на моделот Prelude.
Првите информации од Токио сугерираа дека шестата генерација на Prelude ќе се придвижува само со електромотор(и). Работите во меѓувреме се сменија, бидејќи Honda сега вели дека серискиот Prelude ќе биде придвижуван од хибриден погон чија спецификација засега останува непозната.
Coupé-то на Honda ќе им биде понудено на клиентите во Европа, а јасно затемнетите стакла на црвениот претпродукциски концепт што ќе биде изложен на претстојниот Фестивал на брзината во Гудвуд потврдуваат дека Хонда сè уште не е подготвена да ја открие внатрешноста на автомобилот, за која веќе нагласија дека со планираниот хибриден погон и перформансите нема да ги следат стапките на најмоќниот Civic (Type R), иако карбонските додатоци за каросеријата и црвените клешти на сопирачките (Brembo) зад црните 20-инчни бандажи сугерираат поинаку.
Сериското издание на четириседот се очекува „во средината на деценијата“, а треба да почекаме и да дознаеме дали шестиот Prelude во суштина ќе биде Civic со две врати, придвижуван од комбинација на електричен мотор и 2-литарски 4-цилиндричен атмосферски мотор со 200 коњи.
