Honor денеска официјално го претстави својот прв смартфон на преклоп.
Станува збор за моделот Honor Magic V кој е на преклоп исто како и уредите Samsung Galaxy Z Fold, односно комбинира голем внатрешен екран на преклоп со помал надворешен екран кој може да се користи кога уредот е преклопен. Денеска беше официјалното претставување – верзијата со 256 GB интерна меморија ќе чини околу 1569 долари, а продажбата почнува на 18 јануари.
Уредот има внатрешен екран на преклоп со 7,9-инчен екран со резолуција 2272х1984 пиксели, фреквенција на освежување од 90 Hz и формат 10:9, што значи дека е малку поголем од внатрешниот 7,6-инчен екран со резолуција 2208х1768 пиксели. Од Honor тврдат дека внатрешниот екран на Magic V делува како да се користат два екрана со формат 21:0 еден покрај друг.
Екстерниот екран е малку поголем и изнесува 6,45 инчи. Од Honor велат дека поради ова, уредот ќе биде попрактичен кога корисникот не сака да го отвори.
Magic V e достапен во портокалова, сребрена и црна боја, а може да издржи 200.000 отворања. Го движи најновиот процесор Snapdragon 8 Gen 1, има 12 GB RAM и 256 или 512 GB интерна меморија. Го напојува батерија од 4750 mAh која поддржува 66W полнење и до 50% се полни за 15 минути.
На задната страна се три камери од 50 MP, главна, ултраширока, а напред се две камери од 42 MP.
