Honor го претстави својот прв смартфон откако ја напушти компанијата Huawei.
Се работи за флегшипот Honor V40 5G кој се продава на кинескиот пазар, но наскоро ќе биде достапeн и на глобалниот пазар.
V40 5G има 6,72-инчен ОLED екран со резолуција 2.676х1.236 пиксели и фреквенција на освежување од 120 Hz, a го движи MediaTek Dimensity 1000+ процесор.
Позади се наоѓа главната камера од 50 MP, а уредот го напојува батерија од 4.000 mAh која поддржува безжично полнење. До 100% се полни за 35 минути. Позади има уште две камери, ултраширока од 8 и макро од 2 MP. Селфи камерата има 16 MP.
Honor V40 5G со 8 GB RAM и 128 GB интерна меморија чини околу 455 евра, додека верзијата со 256 GB меморија чини околу 505 евра.