Вселенскиот телескоп Hubble на НАСА неодамна сними формирање на нова галаксија, додека се видливи остатоците од старите.
Станува збор за NGC 1614, галаксија оддалечена од Земјата околу 200 милиони светлосни години, сместена во соѕвездието Eridanus. Оваа галаксија е интересна бидејќи е создадена како резултат од спојување на две други галаксии, со тоа што тој процес е сè уште во тек.
Оваа космичка колизија предизвика проток на турбулентна струја на меѓуѕвезден гас која тече од помалата галаксија во јадрото на поголемата при што се создава огнена стихија во внатрешноста каде се создаваат нови ѕвезди.
Благодарение на бурното минато и моменталниот изглед на оваа необична галаксија, астрономите ја категоризираат како посебна, инфрацрвена галаксија во која се раѓаат ѕвезди. Сјајните инфрацрвени галаксии се најсветли објекти во локалниот дел на вселената, а NGC 1614 е втората најсветла галаксија внатре во 250 милиони светлосни години.
