Велат дека кој трпеливо чека, ќе дочека. Грета ги дочека своите 5 минути и му врати на Трамп за еден негов коментар од пред година дена.
Тогаш Доналд Трамп рече дека шведската активистка за заштита на животната средина мора да поработи на проблемот со контролата на бесот.
Сега, Грета Тунберг, му врати со иста мера.
„Пресмешно. Доналд мора да поработи на својот проблем со контрола на бесот, а потоа да оди на добар стар филм со пријател! Олади Доналд, олади!“, твитна таа цитирајќи го неговиот твит во кој бара да се запре броењето на гласовите.
Грета всушност само го ископира твитот кој тогаш Трамп го напиша за неа, порачувајќи ѝ да гледа стар филм и да олади.