Актерот Рис Томпсон највпечатливата улога ја оствари пред 25 години, кога како петгодишно момче се појави во „Titanic“.
Во филмот толкуваше улога на момче од Ирска, од пониската класа, како со семејството не успева да се качи во чамците за спасување и да го напушти бродот што тоне.
Рис откри дека и по 25 години од снимањето на филмот заработува од таа улога.
„Уште добивам пари поради 'Titanic', ми пристигаат чекови со износи од 100 или 200 долари и тоа секогаш е добро изненадување“, изјави Рис за Business Insider.
Неговата улога во филмот беше значајна бидејќи ја прикажа трагедијата на најсиромашните патници кои на Titanic ги изгубија животите.
Рис денес работи во полето на дигиталниот маркетинг и е сопственик на центар за скијање. Кариерата ја почнал како дете модел и добил договор со агенција откако победил на еден натпревар, агентот тогаш понудил две опции на родителите, Рис да се појави во реклама за бензинска станица или во „Titanic“.
Филмот заработи над 2 милијарди долари и освои 11 Оскари, додека се прикажува, Томпсон секоја година ќе добива износ од неколку стотина долари.