Шпанското фудбалско првенство ќе продолжи за три дена со големото градско дерби меѓу Севиља и Бетис.
Средбите ќе се играат пред празни трибини, но не уште долго.
Во земјата која по Италија е најтешко погодена од пандемијата со коронавирусот во Европа, на навивачите ќе им биде дозволено да се вратат на трибините кон крајот на месецот, објави Mundo Deportivo.
Шпанската Влада наскоро ќе даде дозвола да се играат натпревари пред ограничен број навивачи од 29 јуни, што е првиот чекор кон целосно враќање во нормала.
На почетокот ќе биде дозволено да се исполни 30% од капацитетот на стадионите. Тоа значи дека на Камп Ноу натпревар ќе може да гледаат 30.000 навивачи, а на RCDE Стадионот на Еспањол ќе може да присуствуваат 15.000 гледачи по натпревар.
Протоколите за публика на натпреварите дополнително ќе бидат објавени.