Иако режисерот Стивен Спилберг беше еден од противниците на филмови од стриминг сервисите во трката за Оскари, изгледа дека малку го омекна ставот по ова прашање.
Amblin Partners и Netflix потпишаа договор според кој компанијата на чело со Спилберг за сервисот ќе снима неколку филмови секоја година. Не е познато дали некои од филмовите ќе бидат во режија на Спилберг, но се работи за два проекти годишно за кои се очекува финансирање од Netflix.
Што се однесува до филмовите за Netflix, тие немаат строги финансиски правила. Може да завршат и во кино како што беше случај со „The Irishman“ и „Marriage Story“.
Netflix и Amblin од претходно имаат соработувано за „The Trial of the Chicago 7“, а извршните директори на Netflix, Тед Сарандос и Скот Стабер соработуваа со Спилберг додека тој беше на чело на филмската компанија Universal.