На вчерашниот натпревар во Премиер лигата меѓу Вест Бромвич Албион и Саутемптон, видовме уште еден пример за контроверзната примена на ВАР технологијата.
ВБА поведе со 1:0 во четвртата минута, но помошниот судија сигнализираше офсајд. ВАР ја разгледа ситуацијата и утврди дека Кајл Бартли навистина се наоѓа во минимален офсајд. Но, проблемот е во тоа што Бартли не беше тој кој го постигна голот, ниту влијаеше на играта на каков било начин!
Голот го заби Мбаје Диањ, кој очигледно беше во дозволена позиција, а Бартли беше зад него и ниту влијаеше врз играта во тој момент, ниту го попречи голманот.
Се поставува прашањето зошто голот беше поништен и дали е можно ВАР судијата да ги побркал овие двајца играчи.
„Поради положбата на камерите не можеа да повлечат линии низ телото на Диањ, така што одлуката за офсајд остана“, рече коментаторот на Sky Sports Бил Лесли.
За среќа на ВБА, оваа ситуација не го спречи да победи со 3:0 со головите на Переира, Филипс и Робинсон.
Погледнете го спорниот момент: