Многумина од познатите личности од САД се приклучија на протестите против полициската бруталност и против расизмот во земјата. Меѓу ѕвездите кои излегоа на улица се и Џејми Фокс, Теса Томпсон, Ник Кенон, Камила Кабељо, Бен Афлек, Аријана Гранде…
– Ние не се плашиме, ќе протестираме!, изјави оскаровецот Џејми Фокс.
Ник Кенон на демонстрациите во главниот град на Минесота излезе со натпис „Ве молам, не можам да дишам“ – последните зборови на Џорџ Флојд кој пред една недела беше брутално убиен од страна на полицаец.
Камила Кабељо и Шон Мендес маршираа во Мајами.
На протестите беше присутна и Аријана Гранде.
Меѓу другите кои ги поддржаа протестите се и Риз Видерспун, Бен Афлек, Теса Томсон, Кетрин Хајгл и многу други.