Жолчната расправа помеѓу Ибрахимовиќ и Лукаку на миланското дерби резултираше само со по еден натпревар пауза за двајцата, засега.
Многумина очекуваа построга казна за Златан Ибрахимовиќ и Ромелу Лукаку, кои сочно се навредуваа, навреди кои ги слушнаа сите.
Но, Лега Калчо одлучи да не ги казнува дополнително, барем не засега. Двајцата секако ќе мора да паузираат по еден куп натпревар, Ибра поради црвениот картон кој го доби поради два жолти, додека Лукаку поради акумулирани жолти картони.
„Снимките кои ги видовме не се добри и за нив ќе се дискутира. Судијата регуларно го евидентирал она што го видел на терен, а сега обвинителството ќе го земе записникот за да востанови врз што се дадени картоните. Доколку не произлезат нови индикации поврзани со случајот, обвинителот ќе преземе мерки за кои смета дека се на место“, дипломатски изјави Габриеле Гравина, претседател на ФИГЦ.
И да има дополнителна суспензија за Ибра, тој секако би ја одлежал наредната сезона бидејќи неговиот Милан е елиминиран од Копа Италија. Затоа, пак, Лукаку поради жолти картони нема да игра на првиот полуфинален натпревар против Јувентус, а зголемување на казната целосно ќе го изфрли од полуфиналето.