Златан Ибрахимовиќ во свој препознатлив стил твитна дека црвено-црните бои ќе ги брани и во новата 2020/21 сезона во Италија.
„Како што реков, само се загревав“, напиша Ибра на својот Twitter профил притоа тагнувајќи го својот клуб, а на сликата која ја објави, на дресот бројот 21 го смени во 11 истакнувајќи кој број ќе го носи од септември.
Она што Швеѓанецот сака да го каже е дека минатава полусезона му била само загревање во италијанската Серија А, а нареднава ќе го видиме во уште подобро светло.
Ибра во Милан се врати во јануари годинава, одигра 18 натпревари во Серија А на кои постигна 10 голови и 5 асистенции, а постигна и 1 гол на 2 натпревара во Копа Италија.
Инаку, на 3 октомври Златан ќе полни 39 години.