Шведскиот фудбалер Златан Ибрахимовиќ наскоро ќе се врати на терените и ќе биде во тимот на Милан во преостанатиот дел од сезоната, а како што рече и понатаму е многу мотивиран и има што да им понуди на Росонерите кои се во голема резултатска криза.
Како што рече, откако ќе се врати на теренот и ќе се приклучи на тимот на Милан во следните натпревари „ќе се пее друга песна“ и очекува тимот да излезе од големата резултатска криза.
„Не е добар период, но не е потребно многу за да се промени, деталите можат да направат разлика. Сега кога се вратив, ќе се пее друга песна“, изјави Ибрахимовиќ за Mediaset и продолжи:
„Во последните месеци направив многу за да му помогнам на тимот и на тренерот на поинаков начин, но сакам да бидам на теренот и да им помогнам колку што можам. Мора да бидете трпеливи за да се вратите на на најдобар можен начин. Сè помина како што треба. Секогаш сум свој, а колку се поблиску натпреварите, адреналинот и концентрацијата се зголемуваат, но не треба секогаш да се зборува многу и доволни се само неколку зборови да ги натера луѓето да разберат што треба да направат“.
Тој понатаму рече дека има голема мотивација иако има 41 година и многумина сметаат дека неговото време поминало.
„Критиките се нормална работа и сакам да кажам дека ако не те критикуваат, значи дека не си на врвот. Сега сум навикнат, слушам критики веќе 25 години бидејќи сум број еден. Ги јадам критиките, тоа е како да долеваш масло на огнот и кога си играш со оган, ќе се изгориш. На 41 година имам уште многу страни за пишување, квалитетот е уште тука. Стасот се менува, физичката подготовка е поинаква, но квалитетот останува. На оние кои не веруваат во ‘Бог’, покажете им дека тоа ќе го направам на терен, не со зборови. Не треба сè да зависи од мене, сакам сè што имам во себе префрлам на другите. Тука сум за моите соиграчи и ако можам да бидам лидер и пример за нив, ќе бидам“, изјави Ибрахимовиќ.
Ибра има важечки договор со Милан до крајот на оваа сезона, а потсетуваме дека Пиоли не го пријави за учество во Лигата на шампионите.
