Шведскиот фудбалер Златан Ибрахимовиќ денеска го слави својот 41 роденден, а како што прави веќе три години по ред, се почести со купување на уникатен модел на Ferrari.
Прво во 2019 година си купи Ferrari Monza од два милиони евра, потоа во 2020 година купи Porche 9111 Targa 41 од 200.000 евра, а минатата година си купи Ferrari SF90 Stradale.
„Среќен роденден на Златан“, напиша тој на социјалните мрежи со фотографија од новиот автомобил.
Оваа година тој одлучи да купи Ferrari Daytona SP3. Медиумите во Италија наведуваат дека на овој автомобил му требаат три секунди за да забрза од 0 до 100 км/час.
Се наведува и дека Ибрахимовиќ ќе мора да почека уште некое време за официјално да го претстави овој автомобил во јавноста, со оглед на тоа дека моделот на пазарот ќе се појави на 20 ноември.
