Често се случува да останеме без идеи што да подготвиме за доцен појадок или ужина. Сепак, понекогаш може да се направи јадење од вообичаените намирници што ги има во фрижидерот што ќе ве засити доволно и ќе ви обезбеди сила за обврските пред вас. Еден од нив е тост со маринирано пилешко.
Пилешкото е одличен извор на протеини, кој помага во одржување на мускулната маса и дава долготрајно чувство на ситост. Од друга страна, можете да го комбинирате со интегрален леб од различни цели зрна, што секако е еден од најдобрите избори за енергичен почеток на денот.
Овој вид на појадок не само што е вкусен и лесен за правење, туку и богат со витамини и минерали - оние од Б групата, витамин Е и железо, цинк и магнезиум.
Потребни состојки:
- 4 парчиња интегрален леб
- 400 гр пилешко филе
- 1 лажица мешавина од зачини
- 1 лимон
- 1 лажичка сол
- ½ лажичка бибер
- 20 гр путер
- 200 гр свежа салата
- 1 дл маслиново масло
Подготовка:
Парчињата леб потпечете ги на тостер, во рерна или на тава. Маринирајте го пилешкото филе со мешавина од зачини, сол, бибер и лимон. Потоа пропржете го на масло и путер. Исечете и послужете на леб, комбинирајќи го со свежа мешана салата.
