Предлог што да зготвите за денешниот појадок по рецептот на Мартина Трајаноска.
Потребни состојки:
1 шолја топло млеко
1 јајце
10 гр сув квасец
½ шолја шеќер
Малку сол
3 шолји брашно
3 лажици масло
100 гр путер/маргарин
1 мала шолја кафеав шеќер
8 гр цимет
Начин на подготовка:
Спојте ги сувите состојки и додајте ги течните. Замесете го тестото и оставете го 5-10 минути да одмори. Веднаш исукајте правоаголна кора отприлика 20х40. Премачкајте ја со омекнат(или растопен) путер, па низ целата површина ставете измешан цимет со кафеав шеќер. Со сукалото нежно притиснете ја смесата на кората, па пресечете ја кората на 12 ленти. Секоја лента завиткајте ја и нежно притиснете ја. Наредете ги ролничките во плех со хартија за печење и оставете ги 20-30 минути на топло да нараснат. Печете ги уште 20-30 минути(или дoдека да добијат златеста боја не заруменат) на 200 степени. За глазурата растопете го чоколадото со хоплата. Прелијте ги ролничките и послужете ги додека се топли.
