Ако немате идеја за ручек, пилешкото е секогаш добро решение. Подготвено во овој сос, тоа е неверојатно сочно и вкусно, а ако послужите пире од компири како прилог, веднаш ќе се изеде. Што е најдобро, на сите им успева, а месото е толку меко што се топи в уста.
Потребни состојки:
- 500 gr пилешко филе
- 1 кромид
- 3-4 чешниња лук
- 1 лажичка доматно пире
- 300 ml павлака за готвење
- 25 gr путер со зачини
- ½ лажичка оригано
- ½ лажичка слатка пиперка
- сол
- бибер
Подготовка:
Месото исечкајте го на шницли, па пропржете го во тава. Кога шницлите ќе бидат готови, извадете ги и во истото тавче ставете исечкан кромид и лук. Кога ќе се испржи додадете го доматното пире. Промешајте, па додадете ја и павлаката. Зачинете со слатка пиперка и промешајте. Додадете сол и бибер, а потоа додадете путер и зачини. Кога ќе се растопи путерот вратете ги шницлите во тавата и гответе уште 15-25 минути, во зависност од дебелината на парчињата месо. На крај посипете со оригано.
Забелешка: Ако не можете да најдете путер со зачини, може да користите и обичен. А доколку забележите дека количината на сосот е намалена, додадете малку вода.
