Направете плескавици од риба по овој едноставен рецепт и испечете ги во рерна без капка масло. Превкусни се и здрави.
Направете вкусни рибни плескавици кои се здрави, печени во рерна без масло, а најдобро од сѐ, имаат феноменален вкус. Одлични се и доколку постите, а за нивна подготовка користете риба која нема многу коски, како на пример ослич. Послужете ги со салата од компири и ќе имате комплетен ручек во кој ќе ужива целото семејство.
Потребни состојки:
- 1 кг ослич
- 1 главица кромид
- 60 гр брашно
- 3 лажици презла
- 3 чешниња лук
- 1 лажичка мелена пипер
- сол
- бибер
Подготовка:
Филетите од ослич сварете ги во солена вода околу половина час за убаво да омекнат. Процедете ги и оставете ги да се изладат. Ставете ја рибата во блендер, додадете ситно сечкан лук и кромид, брашно, презла и зачини по вкус. Измешајте ги сите состојки за да добиете хомогена смеса. Помеѓу дланките формирајте плескавици со саканата големина и наредете ги во плех обложен со хартија за печење. Печете ги во рерна загреана на 200 степени Целзиусови околу 15-20 минути за да добијат убава златна кора.
