Компири полнети со мелено месо, а потоа прелиени со сос од домати, па сѐ заедно испечено во рерна - идеален семеен ручек за кој сите ќе ви бараат рецепт.
Меленото месо и компирот се две намирници без кои вистински домашен ручек не може да оди на нашата трпеза. А кога ќе се спојат во едно јадење, ќе добиете вистински гурмански ручек за прсти да излижете. Полнетите компири со мелено месо, печени во рерна во сос од зеленчук, се толку вкусни што сите ќе бараат репете.
Потребни состојки:
- 1 кг мелено месо
- 6 компири
- 2 главици лук
- 3 моркови
- 400 мл пасирани домати
- 500 мл булјон од зеленчук
- 1 јајце
- 400 гр презла
- 1 лажичка бибер
- 2 лажички мелена пипер
- 1 лажичка оригано
- 1 лажичка мајчина душица
- ким
- маслиново масло
- сол
- кујнска сол
Подготовка:
Меленото месо зачинете го со кујнска сол, бибер, мелена пиперка, мајчина душица и ким, па додадете презла, јајце и еден ситно сечкан лук. Добро замесете ја смесата, поклопете и оставете во фрижидер на еден час. Компирите излупете ги и варете ги 30 минути во солена вода на тивок оган. Кога компирите ќе бидат готови, ставете ги на две секунди во ладна вода, исушете ги и со лажица внимателно издлабете им ја средината за да направите место за меленото месо. Секој компир наполнете го со топка мелено месо. Од преостанатото мелено месо формирајте ќофтиња и направете им вдлабнување во средината, а потоа нив наполнете ги со остатоците компири кои претходно ги извадивте за нив да ги направите шупливи.
Сосот подгответе го така што главицата лук и морковот ќе ги динстате на малку маслиново малсо за да омекнат (околу 10 минути). Додадете го булјонот од зеленчук и доматното пире. Зачинете со бибер, сол и оригано. Гответе го сосот 5 минути на тивко. Готовиот сос турете го во тава или ватростална чинија и на него распоредете ги полнетите компири и полнетите ќофтиња. Премачкатје ги со малку маслиново масло и посипете ги со црвена пипер. Печете во претходно загреана рерна на 200 степени околу 35 минути.
