Денешниот наш предлог е свинско месо со зеленчук, ручек доволен за шест особи.
На нашето поднебје воглавно за ручек луѓето сакаат на трпезата да има месо. Постојат многу рецепти за вкусни јадења со месо, а нашиот денешен предлог е свинско месо со зеленчук и бело вино. Наредете сѐ во тавче и оставете рерната да го заврши останатиот дел.
Потребни состојки:
- 1,5 кг свинско месо
- 1 лажица шеќер
- 1 шолја доматен сос
- 1 лажичка сол
- 5 компири
- 2 домата
- 2 моркова
- 1 пиперка
- 100 мл суво бело вино
- 100 мл вода
- 1 лажичка мед
- 1 лажица соја сос
- сол
- бибер
Подготовка:
Парчето свинско месо засечете го во облик на дијамант. Посолете и побиберете го од двете страни, намотајте го во проѕирна фолија и ставете го во фрижидер половина час. Путерот растопете го во тенџере, па додадете доматен сос, посолете и зашеќерете. Промешајте и гответе додека не почне да крчка. Потоа со сосот премачкајте ја средината на тавчето, а над тоа ставете го месото (директно над сосот ставете ја засечената страна од месото). Нормално, претходно ќе ја тргнете фолијата. Исечкајте ги компирите, доматите, морковите и пиперката и парчињата наредете ги околу месото. Прелијте со бело вино и вода. Посолете и побиберете, па печете на 200°C околу 50 минути. Измешајте мед и соја сос, извадете го месото од рерма, превртете го и премачкајте го со добиениот сос од мед и соја. Вратете во рерна да се пече уште 20 минути.