Ролни од месо и зеленчук, идеален ручек за целото семејство.
Потребни состојки:
-бело пилешко месо
-15 тенки ленти сланина
-100 г кашкавал
-5 кисели краставички
-босилек
-кари
-сол, бибер
-масло
Начин на подготовка:
Белото месо исечете го на шницли, па израмнете го со чекан за месо.
На парче алуминиумска фолија посипете малку сол, бибер, малку масло, па ставете три ленти сланина, бело месо на сланината и зачинете со кари и босилек.
Потоа ставете и парче кашкавал и сечкани кисели краставички. Замотајте го сето тоа во сланината и потоа во фолијата. Во зовриена вода проварете ги ролните во фолијата околу 10 минути, па извадете ги.
Кога ќе се оладат, одмотајте ги и ставете во рерна за да се испечат. Послужете ги со претходно зготвен зеленчук и салата по желба.
