Малку необичен рецепт за пилешко во рерна. Месото пред печење обавезно премачкајте го за да биде меко. Ќе имате ручек за половина час.
Пилешкото филе од рерна со кисели краставички ќе биде вашето ново омилено јадење штом за прв пат ќе го пробате. Вкусно, сочно и нежно месо премачкано со сенф и мајонез и печено со кашкавал. Ова пилешко може да го послужите и во свечени прилики кога имате гости.
Потребни состојки:
- 2 пилешки стека
- 1 кромид
- 3 лажици мајонез
- 1 кафена лажичка сенф
- 2 кисели краставички
- 50-80 гр кашкавал
- сол
- бибер
Подготовка:
Пилешкото филе исечкајте го на тенки шницли. Ставете ги на подмачкан плех или обложен со хартија за печење. Зачинете со сол и бибер. Во сад измешајте сенф и мајонез и премачкајте го секое филе. Одозгора ставете сечкан кромид и на тркалца исечкани кисели краставички и посипете со рендам кашкавал. Печете 35 минути на 180 степени.