Направете шупливо бело месо па наполнете го со интересна смеса и уживајте во јадењето. Одличен предлог за малку така посвечена трпеза.
Белото месо е често на менито во многу домови бидејќи не е премногу скапо, а е вкусно. Постојат разни начини на кои можете да го подготвите, но ваков начин сигурно досега не сте пробале. Можеби изгледа комплицирано, но сепак не е толку тешко за да се направи ова шупливо бело месо полнето со сос, а во случајов станува збор за сос од авокадо и кашкавал. Доколку не сте љубители на авокадо слободно може да го замените со нешто друго. Вака подготвеното месо можете да го најдете по луксузните ресторани, па наместо да плаќате дебела сума за да го пробате, направете го дома.
Потребни состојки:
- 1 кг пилешко филе
- 50 гр брашно
- 1,5 лажичка мелена блага пипер
- 1 лажичка кари во прав
- 2 лажички сушен босилек
- 1 јајце
- малку путер
- 1 авокадо
- 70 гр тврдо сирење
- 2 лажици кисела павлака
- 1 домат (по желба)
- сол
- бибер
Подготовка:
Месото исечете го на тенки шницли. Земете парче алуминиумска фолија и згужвајте ја, па направете ја како чамец. На тавче обложено со хартија за печење наредете онолку парчиња фолија колку што имате месо. Таму каде што е шупливо завртете го надоле (како на сликава).
Измешајте брашно, мелена пипер, сол, бибер, кари и босилок. Месото валкајте го во изматено јајце, потоа во брашно и наредете го над фолијата. Печете на 200°C околу 20 минути. Потоа во тава месото испржете го по 2 минути од секоја страна. Во сад измешајте авокадо, рендан кашкавал, сол и кисела павлака. Добро истиснете и соединете. Турете од смесата во шуплината на месото и посипете со рендан кашкавал. Доколку сакате, на крај на наредете и парчиња домат.