Немате идеја што да готвите денес или наредниве денови? Еве идеја за сочен оброк кој ќе го сака целото семејство.
- 500 gr пилешко бело месо
- 1 kg компири
- 3 лажици масло
- 1-2 главици кромид
- 4-5 чешниња лук
- лажичка сол
- бибер
- сув зачин
- ½ лажичка оригано
- 500 ml јогурт
- 3 јајца
- 3 лажици брашно
- 1 црвена пиперка
- 1 домат
Исечкајте ги компирите и зеленчукот на тенки парчиња. Исечете го месото на коцки. Потоа во подлабоко тавче ставете го кромидот да се пржи, а кога ќе се издинста додадете го пилешкото. Посолете и побиберете, а ако имате додадете и зачин за пилешко. Во месото додадете ја пиперката и пропржете уште малку. По неколку минути додадете ги компирите. Потоа ставете го сувиот зачин и ориганото и оставете уште малку да се пропржи. Потоа ставете сè на плех и одозгора наредете ги исечените домати.
За преливот со јогурт: Изматете ги јајцата, додадете ги брашното и јогуртот. Сето тоа убаво соединете го, па посолете и побиберете. Потоа прелијте го пилешкото со смесата.
Вклучете ја рерната на 220°C и покријте го садот со фолија, а потоа ставете го во рерната. По 20 минути извадете ја фолијата и оставете да се допече уште 10 минути.
