Развојот на игрицата „Age of Empires Mobile“ трае веќе некое време, но сега е речиси подготвена за своето деби, објави Microsoft.
TiMi Studios и World's Edge потврдија дека игрицата ќе биде достапна на глобално ниво од 17 октомври годинава, но во овој случај „глобалното“ не се однесува на секоја земја во светот.
Гејмерите ќе мора да чекаат за попрецизни информации за „регионите и земјите“ во кои ќе биде овозможен пристапот. Ова дефинитивно не е позитивна работа, но сепак е очекувано кога ќе се земе предвид начинот на кој денес работат продавниците за апликации.
Позитивната страна е тоа што ако сте љубител на стратешки игрици и сакате да користите мобилен телефон за играње, треба да знаете дека играта Age of Empires Mobile е развиена „од нула“ за мобилни уреди. Носи многу интересна игра, вклучувајќи различни режими за еден играч, извонредни боишта, реален и интерактивен терен, како и временски услови и опции за управување со повеќе војници со микроконтрола во реално време.
Посебно важен е фактот што играчите можат да изберат различни историски личности за да ја водат својата армија. Кога ќе стане достапна, „Age of Empires“ ќе вклучува десетици водачи како Барбароса, Дариј Велики, Хамураби, Леонидас I и многу повеќе. Секоја од овие легендарни историски личности поседува уникатни индивидуални таленти и синергии со другите.
Заинтересираните можат да се регистрираат преку официјалната веб-страница на игрицата, а досега тоа го направиле повеќе од милион гејмери, што е импресивна бројка.
