Домот на Мауро Икарди и Ванда Нара бил посетен од крадци кои си се почастиле додека Аргентинецот беше со својот тим на гостување.
ПСЖ вчера му гостување на Лорјан, тим кој е во зоната за испаѓање и каде неочекувано загуби со 3:2. Цел натпревар одигра Мауро Икарди, не даде гол, а покрај поразот по враќањето дома имал и што да види: крадци му го посетиле домот и го олесниле за 400 илјади евра,
Како што пренесува L’Equipe, не биле украдени пари туку предмети чија вкупна вредност се проценува на речиси половина милион евра.
Грабежот бил откриен во неделата сабајлето, многу пред натпреварот, но бидејќи се работи за гостински натпревар Икарди со тимот беше заминат ден претходно. Грабежот го откриле луќето задолжени за одржување на домот.
Според полицијата, крадците влегле преку прозор користејќи ја приликата што немало никој. Икарди живее во населбата Ноји-сур-Сен во западниот дел на Париз.
Веројатно тоа е причината што Икарди синоќа не беше продуктивен за ПСЖ и беше дел од шокантниот пораз. Неговиот тим до 80-минута водеше со 1:2 со двата гол на Нејмар од белата точка, но потоа Лорјан направи целосен пресврт и освои вредни три бода.
Со овој пораз ПСЖ му го препушти првотоместо на табелата на Лил и падна на третото.
