Јамајканската атлетичарка Илејн Томпсон-Херах го собори олимпискиот рекорд на 100 метри стар 33 години.
Томпсон-Хера (29) изненадувачки триумфираше на денешната последна трка на 100 метри на ЛОИ во Токио и го освои олимпиското злато.
Таа ја истрча делницата за 10,61 секунди и со тоа за стотинка го сруши рекордот поставен од легендарната Флоренс Грифит Џојнер во 1988 година во Сеул.
Но, Грифит Џојнер сепак го држи светскиот рекорд со нереални 10,49, исто така од 1988 година.
Заедно со Томпсон-Хера, на подиумот се искачија и нејзините сонароднички – првата фаворитка Шели-Ен Фрејзер-Прајс освои сребро (10,74) и Шерика Џексон бронза (10,76).
