Илјадници луѓе се собраа денеска во Сиднеј и другите австралиски градови во знак на протест против рестриктивните мерки воведени поради зголемиот број новозаразени.
Полицијата уапси неколку лица откако демонстрантите ги пробија бариерите и фрлаа пластични шишиња и други предмети кон полицијата.
Во Сиднеј демонстрантите, без маски на лицата, прошетаа од паркот „Викторија“ до градското собрание во центарот, носејќи пароли на кои пишуваше „Слобода“ и „Вистина“.
Забележливо е големото присуство на полицијата и припадниците на специјалните единици, бидејќи надлежните велат дека станува збор за незаконски протести.
И во Мелбурн илјадници луѓе без маски излегоа во центарот на градот и извикуваа „слобода“.
Австралијците сметаат дека „не станува збор за вирус, туку целосна контрола на владата врз народот“.
The anti-lockdown protest in Sydney way bigger than it looks in my videos. There's heaps and heaps of people, quite a few of whom broke off into different groups. They've now regrouped at Victoria Park pic.twitter.com/8KXwdh4Xm8
— Zac Crellin (@zacrellin) July 24, 2021
