Илон Маск неодамна стана член на одборот на директори на Twitter, а сега им постави на своите следбеници хумористично прашање.
„Да се избрише буквата w од името на Twitter?“, праша тој и наведе „Да“ и „Секако“ како понудени одговори.
До моментот на објавување на оваа вест на нашата веб-страница, на анкетата одговориле повеќе од милион луѓе.
Тој исто така изјави дека секој што се претплатил на Twitter Blue треба да има „сина црта“ или знак за потврда. Таквите и натаму би морале на некој начин да се разликуваат од ознаката за верификација што ја имаат јавните личности.
Тој смета дека рекламите не треба да постојат на Twitter бидејќи „моќта на корпорациите да ја диктираат политиката е значително зголемена доколку оваа социјална мрежа зависи од парите собрани преку реклами за да опстане“.
За потсетување, Маск купи 9,2% од акциите во оваа компанија, а неговиот мандат истекува во 2024 година.
