Американската компанија SpaceX во 2022 година во орбитата на Месечината ќе лансира сателит кој целосно ќе биде платен со криптовалутата доџкоин.
Веста на Twitter ја соопшти шефот на компанијата, Илон Маск.
Следната година, SpaceX ќе го лансира сателитот Doge-1 кон Месечината, платен со криптовалутата доџкоин, напиша Маск.
На веб-страницата на канадската компанија Geometric Energy Corporation (GEC), која е сопственик на сателитот, се забележува дека тој ќе биде лансиран во првиот квартал од 2022 година со помош на ракетата Falcon 9. Тој ќе собира податоци за Месечината со помош на сензорни камери. Компанијата ќе го испрати сателитот користејќи ја програмата за лансирање на комерцијални летала што ја нуди SpaceX. Износот на бизнис зделката не беше објавен.
„Користејќи доџкоини во договор од вакви размери, Geometric Energy Corporation и SpaceX го зацврстија доџкоин како валута за деловно работење на Месечината“, се вели во соопштението на GEC.
„Оваа мисија ќе демонстрира примена на криптовалути надвор од орбитата на Земјата и ќе ги постави темелите за меѓупланетарна трговија“, рече потпретседателот на трговските операции на SpaceX, Том Очинеро.
Маск на почетокот на април објави на Twitter дека SpaceX „ќе го прати доџкоин на Месечината“, но не објасни што точно сакаше да каже со тоа. По објавувањето, вредноста на криптовалутата се зголеми за 30%.
Продолжи да читаш>>> Доџкоин: Еден човек поседува скоро 30 проценти од криптовалутата, но колку е богат?
