Неодамна, основачот и извршен директор на Tesla, Илон Маск, објави дека настанот за Денот на вештачката интелигенција на Tesla е поместен од 19 август на 30 септември со надеж дека функционалниот прототип на хуманоидниот робот ќе биде подготвен за презентација.
Optimus или Optimus Subprime е двоножен хуманоиден робот кој Маск го најави за време на Денот на вештачката интелигенција на Tesla во август 2021 година и ја претставува визијата на милијардерот за робот кој би можел да извршува здодевни и повторувачки задачи наместо луѓе. Маск исто така ја потсети јавноста на роботот во април за време на отворањето на фабрика за електрични автомобили во Остин, Тексас.
Првата верзија на Optimus треба да започне со производство во 2023 година.
„Тие ќе можат да прават речиси сè што луѓето можат, ама не сакаат да го прават. Роботот ќе го направи тоа наместо нив. Можеби е тешко да се замисли сето тоа, но Optimus е во развој и ние ќе се погрижиме да биде безбедно, без ‘терминаторски работи’, ќе го трансформира светот повеќе отколку што автомобилот“, рече Маск.
Тој додаде дека роботот ќе може да се движи меѓу луѓето и дека ќе врши некои работи за нив, како на пример одење во продавница. Тој нагласи дека ќе ги замени луѓето во одредени задачи, но дека нема да претставува закана бидејќи контролите ќе бидат децентрализирани. Ќе биде дизајниран така што ако нешто тргне наопаку, луѓето можат да побегнат или да го совладаат во секое време.
Optimus ќе биде висок 1,7 метри и тежок 56,6 килограми, ќе биде направен од лесни материјали, а ќе има раце слични на човечките и стопала со две оски за рамнотежа.
Се очекува роботот да работи преку технологијата за вештачка интелигенција и да извршува команди преку Dono Advanced Neural Network, суперкомпјутерски интерфејс кој им помага на автомобилите на Tesla да се движат низ пренатрупани улици.
Главата на роботот ќе биде опремена со истите камери што ги користи Autopilot вграден во електричните автомобили на Tesla, додека лицето ќе биде екран кој ќе прикажува корисни информации.
Роботот ќе може да носи до 45 килограми товар и да подига товар до 68 килограми, а максималната брзина ќе му биде 8,04 km/h.
Движењето ќе се врши благодарение на 40 електромеханички актуатори, а роботот ќе го користи и компјутерот на Tesla за интелигенција.
Роботот би можело да чини 10.000 долари или повеќе.
