Илон Маск, еден од најбогатите луѓе во светот, како гостин и водител на американското ТВ-шоу „Saturday Night Live“ изјави дека има Аспергеров синдром.
Во воведното обраќање кон гледачите 49-годишниот милијардер изјави дека е првата личност со Аспергеров синдром што го води шоуто, но тоа не е точно. Канадскиот актер Ден Ејкрод во 2003 година беше првиот гостин-домаќин на шоуто со овој синдром, а во текот на таа прилика отворено зборуваше за синдромот, пренесе Daily Beast.
Маск го искористи обраќањето да се пошегува на сопствена сметка, особено коментирајќи ја неговата употреба на социјалните мрежи.
„Видете, знам дека понекогаш кажувам или постирам чудни работи, но така работи мојот мозок“, изјави тој. „Ако некој се навредил, само сакам да кажам дека работам со електрични автомобили и планирам да испратам луѓе на Марс, зар мислевте дека сум опуштен, нормален човек?“, изјави тој.
Аспергеров синдром е состојба од аутистичен спектар, поврзана со социјални потешкотии. На луѓето со овој синдром може да им биде потешко разбирањето и однесувањето на другите луѓе, како и да учествуваат во секојдневното – семејство, училиште, работа и социјален живот.
Ова е првпат Маск да признае за неговата состојба.
