Извршниот директор на Tesla, Илон Маск, продаде уште 934.090 акции или околу 1,02 милијарди долари сопственички удел во компанијата за електрични автомобили, покажуваат финансиските податоци објавени на Wall Street Journal.
Во исто време, Маск ги искористи опциите за купување на скоро 1,6 милиони акции на Tesla по фиксна цена од 6,24 долари по акција, која му беше доделена како надомест во пакетот за компензација во 2012 година, бидејќи не прима плата и парични бонуси, јави CNBC.
Со користењето на опциите, чиј рок истекува следната година, Маск го зголеми својот удел во Tesla овој квартал од околу 170,5 милиони акции на над 177 милиони акции.
Шефот на Tesla почна да продава акции на 8 ноември, делумно за да ја намири даночната сметка што му следува врз основа на опции.