„Земјата е пред колапс, на човештвото му се потребни повеќе луѓе за колонизација на Марс“, смета милијардерот Илон Маск.
Зборовите на Маск најверојатно се насочени кон падот на наталитетот во голем број земји. Со оглед на тоа што тој има 7 деца, наведе дека секогаш се труди да дава личен пример. Маск ова го напиша во одговор на Twitter.
Сегашниот просечен степен на раѓање во светот е 2,4 деца по жена, додека во 1950 изнесувал 4,7.
Исто така, старее светското население, Обединетите Нации проценуваат дека до 2050 година на Земјата би живееле повеќе од 1,5 милијарда луѓе постари од 65 години.
За потсетување, Маск на почетокот на февруари на виртуелна конвенција изјави дека неговата цел е колонизација на Марс пред потенцијална Трета светска војна.
