Конечно Министерството за култура на Република Грција официјално го регистрираше друштвото „Крсте Петков Мисирков“ од Воден кое сега може најлегално да дејствува.
Организацијата чие оригинално име е Ιδρυματος „Κρστε Πέτκοφ Μισίρκωφ“ имаше добиено судски спор за регистрација, па сега Министерството само го спроведе она што судот го имаше наредено.
Иако „Крсте Мисирков“ сега е легално регистрирано и судски и во Министерството, сепак наидува на бројни пречки од страна на општинските власти кои се противат на неговите дејствија. Целта на друштвото е организација на часови по македонски јазик кои засега се организираат онлајн како и во приватни простории.
Сепак, ова е искра на надеж за Македонците во Грција бидејќи досега не можеше ни да се замисли официјално да биде регистрирана ваква организација од страна на грчките власти.