Социјалната мрежа Instagram наводно работи на воведување наплата за верификувани кориснички профили.
Намерите на Instagram ги откри инженерот Алесандро Палуци, а своите тврдења ги базира на код. Тој сподели скриншотс од кодот на апликацијата на социјалните мрежи, на кои се чита „IG_NME_PAID_BLUE_BADGE_IDV“ и „FB_NME_PAID_BLUE_BADGE_IDV“.
Тоа јасно укажува дека „paid blue badge“ се однесува на сините ознаки што ги добиваат профилите на проверените корисници на оваа платформа. FB и IG се однесуваат на Facebook и Instagram, што значи дека Meta размислува за наплаќање за верификуван профил на своите платформи. IDV е добро познат акроним за „верификување на идентитетот“.
Палуци откри голем број претходно ненајавени функции во минатото, вклучително и Организаторот на Instagram. Исто така, овој девелопер наводно открил код поврзан со нов тип на претплата, но сè уште е нејасно дали е директно поврзан со претплатата за верификуван профил.
Twitter Blue е претплата која чини од 8 до 11 долари месечно и им овозможува на корисниците пристап до ознака за верификуван профил, како и до некои експериментални функции. Тоа беше еден од првите потези на новиот сопственик на Twitter, Илон Маск. Сепак, се покажа како неуспешен потфат, бидејќи компанијата не спроведе заштитни мерки за да ги спречи корисниците да имитираат компании или познати личности.
Ако Meta навистина работи на платена верификација, тогаш треба да најде начин да не ја повтори грешката на Twitter. Во моментов, многу е тешко да се верификува профилот, а постои и црн пазар за верификација на Instagram каде што луѓето плаќаат десетици илјади долари за да добијат ознака на нивниот профил.
Засега нема коментари од Meta за откритието на Палуци.
