Компанијата Facebook соопшти дека нејзината апликација ќе бара сите нови корисници да наведат податоци за датумот на раѓање, а ова се однесува на сите нови корисници.
За да понуди поголема безбедност на корисниците кои немаат осумнаесет години, Instagram ја воведува новата опција за да спречи рекламирање на алкохол и други производи кои се забранети за малолетни лица.
Досега, Instagram од своите корисници бараше да се изјаснат дали имаат најмалку 13 години.
Од компанијата соопштија дека маркетинг агенциите стојат зад ова барање, пренесува Reuters.
Промената во политиката на Instagram ќе придонесе за поголема безбедност на корисниците кои нема да имаат пристап до реклами за 18+ годишна возраст.
Претходно, групите за семејна безбедност во Велика Британија и САД го обвинија Instagram за рекламирање на несоодветни содржини.
Сепак, наведуваат дека очекуваат внесување на точни податоци од страна на корисниците, но и дека вештачката интелигенција ќе помогне во проверката.
