Руските сили продолжуваат да се борат со застарена опрема и недостиг на војници додека според изјавите на службени лица би можело да дојде до втор бран мобилизација, објави Институтот за проучување на војната.
Ја пренесуваат и објавата на британското Министерство за одбрана кое вели дека Русите ја смениле тактиката бидејќи досегашната се покажала како неефикасна.
Британското министерство за одбрана објави дека руската војска престанала да се организира во баталјонски тактички групи (BTG) во изминатите три месеци.
BTG ги сочинуваат помали единци, како оклопни, извиднички или артилериски.
Понатаму велат дека од повеќе причини, таа тактика не поминува во Украина. Токму затоа Русите решиле сите преостанати ресурси, материјални и човечки, да ги преорганизираат во ад хок структури со низок морал и дисциплина.
Институтот за проучување на војната открива дека руските сили продолжуваат да се борат со застарена опрема и недостиг на луѓе, додека истовремено од Москва стигнуваат индиректни насоки дека можно е да дојде до втор бран мобилизација.
Независна истрага откри дека многу е веројатно дека Русија префрлила илјадници украински воени заробеници од окупираните области во Русија, особено по повлекувањето од Херсон.