Играчот на Интер, Федерико Димарко, ќе го пропушти претстојниот осминафинален натпревар од Лигата на шампионите против Фејнорд поради повреда на бутниот мускул.
Димарко се повреди во саботата на натпреварот против Наполи (1:1) и го напушти теренот на почетокот на вториот дел. Тој го постигна голот за Интер за водство во 22. минута и тоа со мајсторија од слободен удар.
Димарко оваа сезона во Серија А има постигнато 4 голови и има 5 асистенции.
Италијанските медиуми објавија дека 27-годишниот фудбалер би можел да отсуствува околу три недели и најверојатно ќе се врати на терените по репрезентативната пауза.
Покрај натпреварот против Фејнорд в среда во Лигата на шампионите и реваншот на 11-ти, Димарко ќе ги пропушти и првенствените натпревари против Монца и Аталанта.
Освен на Димарко, тренерот Симоне Инѕаги не може да смета и на повредените Јан Зомер, Карлус Аугусту и Матео Дармјан, а неизвесен е Никола Залевски.
Натпреварот Фејнорд - Интер се игра в среда од 18:45 часот на „Де Кујп“ стадионот во Ротердам. Директниот пренос ќе оди на Arena Premium 1.
