Миланскиот калчолигаш изненади многумина откако го објави третиот дрес во кој ќе настапува сезонава, а тој е целиот ишаран со картата на светот.
„Нераѕурите“ преку дресот сакаат да испратат порака за глобално единство, што очигледно веднаш им успеа бидејќи првите реакции за новиот дрес се крајно позитивни.
Инспириран од својата клупска историја на отвореност кон секој што сака да биде дел од овој клуб, Интер направи храбар потег дизајнирајќи необичен дрес за новата 2022/2023 сезона. На дресот се наоѓа карта на светот, а Милано е точно зад клупскиот амблем на градите.
Убавите бели и светлосини бои глатко ја исцртуваат географската мапа на светот која се простира на двете страни на дресот.
Интер не бадијала го носи името Интернационале. Дресот ги претставува обединетоста и нивната долга историја на прифаќање играчи од сите краишта на светот покрај домашните Италијанци. Всушност, Интер затоа и бил формиран, откако на група швајцарски фудбалери им било забрането да играат во Милан бидејќи не биле Италијанци.
Дресот беше презентиран денеска и многу наскоро ќе биде достапен за купување и онлајн нарачки.