„Најстарата професија во светот“, како што ја нарекуваат проституцијата, можеби не е токму тоа, но е најверојатно меѓу првите. Размената на секс за пари или други добра, постои од овие почетоци и досега нема замрено.
1. Тешко е да се соберат податоци за проституција
Во поголемиот дел од светот проституцијата е нелегална, па затоа е тешко да се направи статистика и да се соберат точни податоци за оваа професија. Стравот од легално гонење ги плаши проститутките, но и нивните клиенти да зборуваат за ова. Токму затоа сите податоци за тоа колку работни часови имаат, колку заработуваат дневно или годишно, какви клиенти имаат и слично, не се целосно релевантни бидејќи не ги покриваат сите аспекти од оваа професија.
2. Екстремно опасна професија
Секс-работничките често го избегнуваат легалниот систем, како полиција и судство, бидејќи нивниот бизнис е нелегален. Некои клиенти го искористуваат ова, па девојките во бизнисот завршуваат со болести, малтретирања, па дури и смрт. Според некои статистики базирани на извештаи за смрт во Колорадо, проститутките се убивани 52 пати повеќе од следната најопасната професија за жени - продавачки во маркет за алкохол.
3. Проститутките се ангажираат за многу повеќе од само секс
Сексуалните услуги не се единствената причина поради која се најмуваат проститутките, и тоа се случува многу често. Според некои истражувања, (кои поради горенаведената причина не треба да се земат „здраво за готово“) од 20 до 40% од состаноците на проститутките со клиенти, воопшто не вклучуваат секс, туку: разговор за проблеми со работа, брак, фамилија и сл. Што е интересно, со оглед на тоа дека околу 85% од клиентите се во некаква врска, а 60% од нив се во брак.
4. Шведска има интересен модел за оваа професија
Шведска го има најпрогресивниот модел за справување со оваа професија. Тука не е легално да плаќаш за сексуални услуги, да бидеш макро, но легално е една индивидуа да ги продава истите. Владата смета дека проституцијата е кршење на човековите права и опресија на жените, но не забранува индивидуалци кои сакаат да си ги продаваат телата. Слични вакви закони имаат Канада, Исланд, Северна Ирска и Норвешка.
5. Проститутките се рекламираат онлајн
Како што опасностите од легалниот систем стануваат поголеми за секс работничките, така поретко тие се на улиците, а се рекламираат онлајн, на социјалните мрежи. Веќе постојат неколку апликации за „систем за придружба“, кои функционираат во повеќе европски држави. Но ова го прави потешко за полицијата и социјалните работнички да понудат помош или пак да интервенираат во случај на малтретирање.
