Филипо Инѕаги застана во одбрана на својот помал брат Симоне, кој го води Лацио, изјавувајќи дека поради прекинот на сезоната Лацио изгубил континуитет и тоа е единствената причина поради која ја губи битката за Скудетото.
„Лацио до март играше во висок ритам. Симоне за седум дена ги подготвуваше натпреварите прецизно до најмал детаљ, работа што Јувентус, поради ангажманот во Лигата на шампионите, не можеше да го прави. Тоа беше круцијална предност, не сметајќи ја и римската публика која секогаш одлично ја играла својата улога“, смета поранешниот голгетер.
Лацио синоќа изненадувачки загуиби на гости кја Лече и остана на минус 7 од лидерот Јувентус.
„Сонот на мојот брат на почетокот од сезоната беше да го однесе Лацио во Лигата на шампионите, но јас сум убеден дека доколку не беше принудниот прекин, тој ќе го освоеше Скудетото“, вели Пипо, кој сезонава е тренер на Беневенто.
До моментот на прекин и онаа победа над Болоња на „Олимпико“, Лацио нанижа 21 победа по ред, низа која почна после поразот од 1:0 од Интер на „Меаца“. Сега, Лацио за 15 дена три пати загуби (од Аталанта, Милан и Лече).
„По три месеци пауза од фудбал, работите тотално се променија. Симоне не располага со тим кој може да му дозволи да игра трипати неделно, спротивно од Јувентус кој од таа гледна точка е во голема предност. Жал ми е за мојот брат“.
Со оглед на тоа што Беневенто веќе изгори пласман во Серија А, браќата Инѕаги ги чека тренерски дуел наредната сезона.