Иако остануваат уште 10 месеци до лансирањето на новите iPhone телефони, аналитичарите тврдат дека знаат што можеме да очекуваме.
Судејќи според најновите информации од сигурен аналитичар, Apple ќе го промени дизајнот на рабовите на серијата телефони iPhone 15 и ќе користи титаниум за изработка на куќиштето. Како што е наведено, новите iPhone уреди ќе имаат заоблени задни рабови, а не рамни какво во изминаатите три генерации.
Ако сте запознаени со историјата на телефоните на Apple, овој дизајн ќе ви звучи познато, бидејќи нешто слично веќе видовме во 2013 година, кога технолошкиот гигант го претстави iPhone 5C, кој имаше правилни рабови на предната страна и заоблени рабови на задниот дел.
„Според раните информации што ги имам, iPhone 15 ќе има нов дизајн на рабовите. Аголот на задниот раб ќе биде заоблен“, вели аналитичарот ShrimpApplePro.
„Исто така, материјалот ќе биде титаниум“.
Иако уште е рано премногу сериозно да ги сфатиме пишувањата за финалниот дизајн, веста за заоблените рабови не ни изгледа толку туѓо, особено откако Apple го донесе овој дизајн на своите нови MacBook лаптопи, чии рабови се правилни на врвот и заоблени на дното.
Дополнително, иако ова е првпат да слушаме за заоблени рабови, ова не е првпат титаниумот да се споменува како материјал за изработка на телефон. Иако во гласините се спомнуваше дека iPhone 14 Pro ќе биде направен од овој метал, тоа не се случи, но го видовме паметниот часовник Apple Watch Ultra, чие куќиште е направено од титаниум. Apple за своите телефони користеше само алуминиум и нерѓосувачки челик, па останува да видиме дали шпекулациите ќе се остварат, особено ако се земе предвид колку проблеми имаат со производството на уредите.
Аналитичарите исто така најавуваат и значително побрзи iPhone 15 модели.
